El Oficina de Salud del Ciudad ya puede obtene 34 por ciento acomplisimiento na primer seis dias campaña de bakuna contra sarampion, rubella y polio.
Asegun con el oficina de salud cay desde Mayo 2 hasta Mayo 6 ya puede ya sila claba bakuna contra sarampion y rubella con 27,324 bata que tiene el edad de 9 hasta 59 meses.
El target del oficina de salud amo para claba bakuna contra sarampion y rubella con 79,973 bata con el edad de 9 hasta 59 meses.
Para na bakuna contra polio, el target tamen del oficina de salud amo para dale bakuna (oral polio vaccine) con 93,802 nuevo nacido bata has 59 meses el edad.
El oficina de salud ya designa 100 grupo del maga personajes de salud para anda casa en casa claba y dale bakuna contra sarampion, rubella y polio con maga bata.
El clabada de bakuna ta ase na diferent distrito de salud con el suporta tamen del mga facilidad de salud (health centers). (B. Garcia, photo courtesy of City Hall PIO)