El Buro de Rentas Internas o el “BIR” ya reconoce con el gobierno local por el grande actual cantidad de retencion de impuesto ya remiti este del año 2023.
El reconocimiento ya vene despues que el gobierno local amo uno del tres alto o “Top 3” del todo entidad de gobierno na ciudad que ya remiti retencion de impuesto del otro año.
Asegun con el oficina de Informacion Publico del Ciudad, el premio ya presenta con el gobierno local por medio de Contador del Ciudad Joan Jamili durante el principio del “2024 District Tax Campaign” que ya hace na uno del mga hotel na ciudad del Viernes.
Asegun ya reconoce con el gobierno local por el de este invaluable y inquebrantable suporta como asociacion del BIR por medio del remitida del retencion de impuesto con el gobierno para el año 2023. (B. Garcia)
