El Bureau of Fire Protection (BFP) ya reporta cay total de 597 incidentes de incendio el ya ocuri desde Enero hasta este mes de Agosto este año na ciudad de Zamboanga.
Asegun con Superintendent Christopher Morales, el BFP district fire marshal, ya subi dentro de 74 por ceinto el incidentes de incendio este año comparando con el del semehnate periodo del otro año.
Si Morales ya habla, 135 del 597 incidentes de incendio amo mga incendios estracturales y el restante 462 amo mga incendio no estacturales.
Asegun con Morales, el incendios estracturales ya subi de 18 porciento desde 114 desde Enero hasta Agosto del otro año para na 135 na semehante periodo este año.
El incendio no estracturales como el incendios de pasto, incendios de vehiculos y postes, ya subi 100 porciento desde 228 del otro año para na 462 desde Enero hasta Agosto este año.
Asegun con Morales, ya tene omento na incidente de incendios de pasto especialmente durante el mga meses de Marso, Abril y Mayo cuando el ciudad ya experiencia el fenomeno de El Niño.
Asegun con Morales, mayoriya del causa del mga incidentes de incendios amo cortocicuito por causa de calentamiento excesivo y sobrecargar como resulta del connexion pulpo. (B. Garcia)