El govierno provincial de Basilan ya somete na Bangsamoro Economic Development Council (BEDC) ocho mga grande proyectos que ay lleva progreso na economiya del provincia, mejora con el infrastractura y ase bueno con el vida de estar del mga Basileños.
Si Salliman ya somete con el mga propuesto proyectos durante el Segundo BEDC que ya conduci na ciudad del Zamboanga del Biyernes.
Si Salliman ya empoja mucho para con el mga bien necesita proyectos de infrastractura que ay ase lijero con el desarollos economico y social del provincia de Basilan.
El ocho mga proyectos amo el mga siguientes: pantalan internacional na ciudad de Lamitan; aeropuerto na ciudad de Lamitan; “Basilan Bulk Water”; planta para’l proceso del producto de goma; fabrica de sardinas; conservacion del carretera transcentral; establisida de “nautical highway”; y fabrica para el industriya de coco.
Con el endorse del BEDC, optimistoco si Salliman cay ay aprova con su proposito y a incluwi na programa de desarollo para pone fondo el govierno del rehyon otonomo. (B. Garcia, photo courtesy of Ronda del Basilan)