Cagayan de Oro – KAPIN 1,000 ka mga city scholars, representante sa nagkadaiyang national government agencies, school-based organizations, religious organizations, mga buhatan sa city hall ang misalmot sa suicide prevention awareness walk for a cause nga gitawag og ‘Lakaw alang sa Paglaum” nga gisugdan sa Rodelsa circle paingon sa Ampitheathre nga gipangunahan sa City Social Welfare and Development (CSWD) Department Psychosocial Division alayon sa kasaulogan sa World Suicide Prevention Day, karong adlawa, Septiyembre 10.
Kini gisundan sa hamubong programa nga gipahigayon sa Ampitheathre diin gitambongan mismo ni Chief of Staff Shiela Lumbatan kinsa mirepresentar ni Mayor Klarex Uy diin siya nanghinaut nga unta kini magpadayun ug dili lamang magpabilin karong adlawa.
“This is more than just a walk. It is a tangible symbol of our combined commitment to educate and address suicide, a pressing issue that affects our society. Let’s ensure that conversations about mental health and suicide prevention continue in our homes, and our workplace. Please let the love and solidarity that we have shared, resonate and reach out to those who maybe silently strugling ensuring them that they are not alone,” saysay ni Lumbatan.
Mitambong usab sa kalihokan sila si CSWD Officer Annie Tongson, City Scholarships Office staff Jessa Mae Dugenio, Dr. Maybelle Honcada sa City Health Office, Julie Resma sa Philippine Mental Health Association (PMHA) ug City Information Officer Ivy Guantero kinsa mihatag sa ilang tagsatagsa ka mensahe.
Samtang, gibutyag ni City Psychologist Jaymee Leonen- Pagaspas ang pagmugna sa paglaum sa komyunidad.
Natapos ang kalihokan pinaagi sa community singing.
News and photo courtesy of CIO CDO