Seis personas, incluido un barrio capitan, el ya iri na un incidente de tiroteo y tajo na municipio del Tuburan provincia de Basilan, asegun con el policia del Lunes.
Asegun con Police Colonel Carlos Madronio, el Basilan police director, el incidente ya ocuri pasada alas 6 del Lunes aga, dia del eleccion, na Barangay Lahi-Lahi, Tuburan.
Asegun con Madronio, con el irido barrio capitan ya conose como si Ibrahim Atang del Barangay Lahi-Lahi, Tuburan.
Asegun con Madronio, el incidente ya ocuri apuera del un precinto de votacion, donde el mga suspechao, ta inclui un personajes del Philippine Coast Guard, quien ya man juramentao.
Si Madronio ya habla cay ta continua el investigacion sobre el incidente.
Puera con este incidente, el conducida del Barangay and Sangguniang Kabataan Elections ta esta pacifico y de orden en general, asegun con el policia na Basilan. (B. Garcia, photo courtesy of Bureau of Fire Protection-Basilan)