El Ministry of Social Services and Development na Bangsamoro Autonomous Region in Muslim Mindanao (MSSD-BARMM) ya extende ayuda con 34 familiares afectao na incendio que ya ocuri del viperas de año nuevo na Barangay Poblacion, Bongao, Tawi-Tawi.
El ayuda que ya extende del otro semana amo el segunda vez que ya dale el BARMM con el mga victima del incendio. El primero ya dale del Enero 1, este año.
Asegun con Leeshabel Adil, el oficial-en-cargao del Bongao Municipal Social Welfare and Development Office, el 34 afectao familiares ya recivi galamiton de limpiesa, 25 kilos aroz y comestibles esenciales.
Asegun con Adil, el dalida de ayuda ya encabesa el MSSD-BARMM en colaboradion con el gobierno municipal del Bongao y consejo de barangay del Poblacion.
Asegun con Adil, ta esta pendiente el dalida de ayuda financial y refugio de emergencia cay ta espera pa sila el llegada del presupuesto para el año 2024.
Si Adil ya habla cay el mga afectao familiares presentemente ta esta na terminal del pantalan del Bongao mientras el losdemas na de ila mga familia.
(B. Garcia, photo courtesy of MSSD-BARMM)
