Ti Provincial Government of Ilocos Norte, babaen iti Sustainable Development Center (SDC), ket manamnama nga agibunong ti “fuel subsidies” para kadagiti mannalon ditoy probinsia ita a bulan ti Enero.
Segun ken ni Mrs. Luz Ortal, mangidadaulo ti SDC, kalikagum ni Gob. Matthew Marcos Manotoc a maikamat ti panangipaay ti nasao a tulong.
Inbunannagna a dagiti nakasaganan a pakaipaayan ti nasao a tulong ket ti ili a Currimao, Piddig, Solsona, Burgos, Bangui, Pagudpud ken ti ili a Vintar.
Imbatadna a kalpasan dagiti nadakamat nga ili ket maisagsaganan dagiti dadduma tapno maipatungpal ti kalikagum ti gobernadora.
Inlawlawag ni Mrs. Ortal a dagiti benepisiario ket naibasar kadagiti gunglo dagiti mannalon a nagkiddaw iti nasao a tulong ken ni Gob. Marcos Manotoc.
Kunana a dagiti aprobaran ti gobernador ti pakailatangan ti pundo manipud iti bingay ti probinsia iti RA 7171.
Innayonna a ti maiyawat kadagiti mannalon ket “fuel subsidy voucher” nga agbalor ti tallo ribu a pisos nga isu ti maisakada kadagiti paggasolinaan a kabinbinnulig ti PGIN iti nasao a programa.
(Irene Ringor)
(Source: Provincial Government of Ilocos Norte)