El govierno del Bangsamoro Autonomous Region in Muslim Mindanao (BARMM), por medio del program “Kapayapaan sa Pamayanan (Kapyanan), ya distribui 100 casa na region autonomo.
Asegun con Engineer Mohammad Abdullah, el administrador del proyecto Kapyanan, con el 100 casa ya distribui con el mga identificao beneficiarios del Miercoles na Maguindanao del Sur.
Asegun con Abdullah, 50 del 100 beneficiarios amo mga residentes del Barangay Bagong Upam na municipio de Shariff Aguak, y el restante 50 na Barangay Sugadol na municipio de Datu Abdullah Sangki.
Si Abdullah ya habla cay el distribucion del mga casa parte del “flagship program” de BARMM Chief Minister Ahod Ebrahim para distribui casa con mga “Internally Displaced Persons” ns BARMM.
Si Abdullah ya habla cay cada casa tiene dos posentos, escusao, y instolao liña de agua potable y electricidad.
Asegun con Abdullah, tiene pa mga casa que ay distribui sila na mga municipios de Parang, Sultan Mastura, Datu Odin Sinsuat, y Datu Saudi Ampatuan. (B. Garcia, photo courtesy of BARMM PIO)