Un persona el ya muri mientras dos otro el ta esta pedido despues que ya sumi el barco de pesca na la mar del ciudad de Zamboanga, asegun con el pulisiya local del Lunes.
Asegun con Police Colonel Alexander Lorenzo, el Zamboanga City Police Office director, el incidente ya ocuri mga alas 7 del Sabado denoche na vicinidad del Labuan, en este ciudad.
Asegun con Lorenzo con el muerto persona ya conose como si Liberato Butad, 54 años el edad, un tripulante del un barco de pesca nombrao como el FB Jayson-7 y residente del ciudad de General Santos.
El dos tripulante del mismo barco de pesca quien ta esta perdido conosido como canda Virgilo Eupena, 63, y si Edgar Corales, 50 años de edad ambos mga residentes de ciudad de General Santos.
Si Jobe Escalante, el capitan del FB Jayson-7, ya informa con el pulisiya cay ya sumi de ila barco cuando ya dale canila encuentro un grande marijada por causa de mal tiempo na la mar del Labuan, este ciudad.
El incidente ya ocuri mientras si Escalante y su 17 tripulantes ta navega para na municipio de Pangutaran provincia de Sulu estaba na pantalan de pesca na Barangay Sangali este ciudad.
Con el mga tripulantes del FB Jayson-7 ya salva el mga personajes muntao na un “light boat” nombra como el FB Jal-10.
Con el resto de Butad ya lleba na un puneraria mientras ya ase enbuscada el mga personajes del Guardia Costal canda Eupenia y Corales, quien ta esta perdido. (B. Garcia)