El mga autoridad ya salva con cuatro Ruso abordo na un yate en peligro na mar na sur parte del Pilipinas, asegun con el policia del Jueves.
El Police Regional Office-Bangsamoro Autonomous Region (PRO-BAR) ya habla, con el cuatro Ruso ya salva del Martes serca na Isla de San Miguel mas conocido como el Isla de Bangkawan, na Barangay Umus Mataha, Mapun, Tawi-Tawi.
El PRO-BAR nohay mas identifica con el cuatro Ruso, con quien ya salva el mga autoridad del Pilipinas despues que ya recivi sila informacion desde un radio unidad base na Isla de Bangkawan cay tiene un yate con cuatro hente en peligro na mar.
Base na investigacion, el cuatro Ruso ta navega desde Bali, Indonesia, para na Subic, Zambales cuando ya queda malo de ila yate.
Con el cuatro Ruso ya referi para na gobierno municipal del Mapun para mas del mga suporta y coordinacion despues del de ila exitoso salvada.
Asegun con el policia, con el cuatro Ruso ya salva el mga personajes del Estacion de Guardia Costera del Norte Tawi-Tawi con el suporta del Mapun Maritime Special Boat Crew 1st MSOU, estacion del policia del municpio del Mapun y 212th Marine Company of the Marine Battalion Landing Team-12. (B. Garcia)