Zamboanga: Autoridad ya declara sin armas con un barrio na Sulu

El mga autoridad ya declara con el uno del 40 barangays na municipio del Parang, Sulu como un lugar sin armas, asegun con el militar del Jueves. 

Asegun con el 4^th Civil Relations Group (4CRG), el declaracion ya hace canda Brigadier General Leonardo Peña, el comandante del 11^th Infantry Division (11ID) y si Mayor Alkhadar Loong, el alcalde del Parang, Sulu, del Miercoles.

Asegun con el 4CRG, el barrio que ya declara como un lugar sin armas amo el Barangay Lipunos.

Na su mensaje, si Loong ya expresa gratitud con todo su corazon con aquellos quien ya man testigo con el evento.

Ya apela tamen si Loong con el otro mga barrio capitan y otro oficiales para sustene con el ganancia como un comunidad sin armas na de ila respetivo barangay.

Si Peña ya comenda tamen con el esfuerzos y cooperacion del mga ejecutivos local que ya resulta na declaracion como un lugar sin armas.

Presente el otro mga oficiales del gobierno, militar y policia y representantes de otro sector durante el ceremonia de declaracion. (B. Garcia)