El mga autoridad ya aresta con el uno del mga personas mas buscada na region na un operacion de aplicacion de ley na provincia del Zamboanga del Norte, asegun con el policia del Lunes.
Si Police Brigadier General Bowenn Joey Masauding, el director del mando regional del policia, o Police Regional Office-9 (PRO-9), ya identifica con el arestao persona mas buscada como si Jimboy Banlat Otton.
Asegun con Masauding, con Otton ya aresta na un operacion de aplicacion del ley por medio na implementacion de un orden de aresto mga alas 10:20 del Domingo aga na Sitio Dunggoan, Barangay Makiang, Siocon, Zamboanga del Norte.
Asegun con Masauding, si Otton tiene pendiente orden de aresto por el crimen de dos cuentas de estatutorio abuso carnal sin recomendao piansa que ya dale un corte na Siocon, Zamboanga del Norte.
El arestao acusao ya pone bajo’l custodia del policia na municipio del Siocon para el propio disposicion.
Si Masauding ya comenda con el mga operativas del policia por el exitoso servida de orden de aresto que ya resulta na aresto del numero 10 persona mas buscada na Zamboanga Peninsula.
“El crimen de abuso carnal nohay lugar na de aton comunidad. Epseransa ustedes cay el policia ta concentra na aresto del mga gent eta viola el ley contra abuso carnal,” si Masauding ya habla. (B. Garcia)