El mga autoridad ya aresta un persona mas buscada na Bangsamoro Autonomous Region in Muslim Mindanao (BARMM) na un operacion de aplicacion de ley na provincia del Lanao del Sur, asegun con el policia del Miercoles.
Si Police Colonel Robert Daculan, el director del policia na provincia del Lanao del Sur, ya identifica con el arestao acusao como si alias Insik, el numero 10 persona mas buscada na BARMM.
Asegun con Daculan, con Insik ya aresta na un operacion de aplicacion de ley por medio na implementacion de un orden de aresto mga alas 3:45 del Lunes aga na Barangay Rogero, Bubong, Lanao del Sur.
Asegun con Daculan, si Insik tiene pendiente orden de aresto por el crimen de incendio provocado sin recomendao piansa que ya dale el un corte na ciudad de Marawi, Lanao del Sur, del Enero 28, 2025.
Asegun con Daculan, con Insik ya pone bajo’l custodia del Criminal Investigation and Detection Group (CIDG) na provincia del Lanao del Sur para el documentacion y proprio disposicion.
Si Daculan ya habla, con Insik ya aresta el combinao personajes del diferente unidades del policia, incluido mga personajes del CIDG base na provincia del Lanao del Sur. (B. Garcia)