Tres objetivos de alto valor o “high-value targets (HVTs) el ya aresta y ya confisca P6.8 millon cantidad de droga ilegal el mga autoridad na un operacion contra droga na provincia del Lanao del Sur, asegun con el Philippine Drug Enforcement Agency (PDEA) del Jueves.
Si Gil Cesario Castro, el director del PDEA na Bangsamoro Autonomous Region in Muslim Mindanao (BARMM), ya nombra con el mga arestao HVTs suspechao como canda Allandoni Alaweya Mendalano, Sanny Sangkad Kaadeadatu, and Isnaima Arimao Sapia.
Asegun con Castro, con el mga suspechao ya aresta un operacion de compra busto na Barangay Cabingan, ciudad de Marawi, Lanao del Sur, del Miercoles.
Asegun con Castro, ya confisca na posesion del tres arestao suspechao un kilo de suspechao shabu que tiene el valor de ₱6,800,000, dinero de compra busto, dos celpon, un bolsa de plastico, y clasificado tarjetas de identificacion.
Si Castro ya habla, con el tres arestao suspechao ya detene na carcel del PDEA-BARMM en preparacion para el plantada del asunto contra canila por violacion del Ley integral de droga peligrosas de 2002.
Asegun con Castro, con el tres suspechao ya aresta el mga operativas del PDEA-BARMM con el suporta del militar y policia na provincia del Lanao del Sur. (B. Garcia)