Usa ka trahedya ang nitumaw didto sa kadagatan sa siyudad sa Naga Sugbo, diin usa ka fishing boat ang nasunog.
Aduna pud kini mga kinabuhi nga nakalas og na missing atol sa pagkasunog sa maong barko.
Segon sa Coast Guard District Central Visayas nga pasado alas 8:39 kagabii, Hunyo 5, 2024 nadawat nila ang alarma sa sunog na dali nilang gi respondihan.
Ang FBCA KING BRYAN mao ang nasunog na adunay 11 ka mga crew.
Sa pasi-unang taho sa PCG Central Visayas nga 5 ang naluwas, 2 ang nakalas, 3 ang na missing ug 1 ang kritikal.
Sa nasayran nga gikan sa Masbate ang maong panagatan nga nadautan sa ilang makina diin matod pa kalit niulbo ang kalayo ang tangke sa LPG.
Luwan sa maong panagatan sila si Mark Anthony Sullano, kapitan sa mang barko, Jonathan Sullano, Onjing Conel, Boyboy Bacolod, Miguel Cortez, Dominic Cliret, Michael Bacas, John Calaud Canonez, Allan Abiles, Alvin Quiñones ug Ariel Codilla.
Sa pagkakaron ang Special Operation Unit (SOU)-Central Visayas, Maritime Casualty Investigation Service -Central Visayas, ug Coast Guard Medical Central Visayas padayon pa sa ilang pag atiman ug pagsusi sa maong aksidenti.
Gitino pa usab kung unsay hinungdan sa maong sunog na nikalas og mga kinabuhi. (Renante Socia Lada)