Un persona quien ta enfrenta asunto criminal na un tribunal ya aresta mga autoridad na provincial del Lanao del Sur, el policia ya reporta del Viernes.
Asegun con Police Colonel Robert Daculan, el Lanao del Sur Police Provincial Office director, con el aresta wanted persona ya conose como si Ato Ampaso, legal el edad.
Asegun con Daculan, con Ampaso ya aresta na Barangay Uya-an proper na municipio de Madamba, Lanao del Sur del Miercoles.
Si Daculan ya habla cay si Ampaso tiene pendiente orden de aresto po el crimen de matansa sin piansa que ya dale el un tribunal del Lanao del Sur del año 2014.
El arestao wanted persona ya pone bajo’l custodia del Madamba Municipal Police Station. (B. Garcia, photo courtesy of Lanao del Sur Police Provincial Office)