El mga autoridad ya aresta na un operacion de aplicacion de ley con el uno del mga personas mas buscada na provincia del Lanao del Sur, asegun con el policia del Sabado.
Si Police Colonel Robert Daculan, el director del policia na Lanao del Sur, ya identifica con el arestao persona mas bucada como si Alias Lapitos, un residente del Barangay Liningding, Munai, Lanao del Norte.
Asegun con Daculan, con Lapitos ya aresta na un operacion de aplicacion de ley por medio de implementar de un orden de aresto mga alas 4:20 del Miercoles tarde na Barangay Maria Christina, ciudad de Iligan, Lanao del Norte.
Asegun con Daculan, si Lapitos tiene pendiente orden de aresto sin recomendao piansa por violaction del Seccion 4 de Ley de Republica 11479, o Anti-Terrorism Act of 2020, que ya dale el un corte na ciudad de Iligan del Octubre 11, 2024.
Si Daculan ya habla si Lapitos listao como el numero uno persona mas buscada na Lanao del Sur cay envuelto le na rebentada de bomba del Deciembre 3,2023 na un misa na gimnasio de Dimaporo del Mindanao State University na ciudad de Marawi, Lanao del Sur.
Cuatro personas, quien ta atende misa, el ya muri y 57 otros el ya iri durante el rebentada de bomba.
Asegun con Daculan, con Lapitos ya pone bajo’l custodia del 2nd Mechanized Infantry Brigade para el propio documentacion y disposition. (B. Garcia)