Un vendedor de droga ilegal clasificao como un individual de alto valor o high-value individual (HVI) el ya aresta y ya confisca valor de P340,000 droga ilegal na provincia del Lanao del Sur, asegun con el policia del Miercoles.
El Police Regional Office-Bangsamoro Autonomous Region (PRO-BAR) ya nombra lang con el arestao suspechao como si alias Urak, 22 años el edad.
Asegun con Police Brigadier General Prexy Tanggawohn, el interino director del PRO-BAR, con Urak ya aresta na un operacion de compra busto del Lunes na Barangay Kilikili West, Wao, Lanao del Sur.
Asegun con Tanggawohn, ya confisca na posesion de Urak 50 gramos de suspechao shabu enpaquetao na un termosallada sobrecitos plastico que tiene el valor de P340,000, un vehiculo, un balutan de boodle money que ya pone insima un real P1,000 como markao dinero.
Asegun con Tanggawohn, con Urak hay planta el asunto por violacion del Ley Integral de Drogas Peligrosas de 2002.
Si Tanggawohn ya alaba con el mga personajes del policia quien ya aresta con el suspechao por el de ila dedicao esfuerzos que ya resulta na exitoso operacion contra droga ilegal. (B. Garcia)