30.5 C
Manila
Monday, December 11, 2023

Zamboanga: Asunto criminal ya planta con un mujer ya mata con su nieto

- Advertisement -

El policia ya planta ya el asunto criminal na fiscalia contra con un 53 años mujer quien alegaomente ya mata con su mismo nieto del Viernes na ciudad de Lamitan, provincia de Basilan.

Si Tiniente Coronel Arlan Delumpines, el hefe del policia na ciudad de Lamitan, ya nombra con el acusao como si Marilou Tumangquiz, un residente de Barangay Bohe Sapa, ciudad de Lamitan.

Asegun con Delumpines, con Tumangquiz ya aresta mga oficiales del Barangay Bohe Sapa, ciudad de Lamitan, despues del incidente.

Asegun con Delumpines, antes del incidente, si Tumangquiz y su 12 años nieto hunto ya anda buska pruta de camanse entra’y cucalan na Barangay Bohe Sapa del Viernes.

Base na investigacion, ya amara el abuela con el dos mano y dos pies del su nieto y despues ya empasa tajia con el bata que ya causa el muerte del victima.

Asegun con Delumpines, ya admiti si Tumangquiz con el crimen cuando ya aresta conele el mga oficiales de barrio y ya entrega na policia.

Si Tumangquiz ya habla na policia cay ya mata le con el bata por cauasa ta mira le con el victima como un enemigo de suyu.

Si Tumangquiz ta esta bajo ahora na custodia del policia na ciudad de Lamitan. (B. Garcia, photo courtesy of Ronda del Basilan)

 

- Advertisement -

LEAVE A REPLY

Please enter your comment!
Please enter your name here

- Advertisement -

Related Articles

- Advertisement -
- Advertisement -

Latest Articles

- Advertisement -