Dos personas mas buscada el ya aresta el mga autoridad na separao operaciones de aplicacion de ley aqui na ciudad, asegun con el policia local del Sabado.
El policia local ya nombra con el dos arestao personas mas buscada como canda Omar Amping, 41 años el edad, un residente de Paseo de Salam, Barangay Mampang, y si Edwino Candido, 52, y residente de Sitio Lugakit, Barangay Salaan, en este ciudad.
Asegun con el policia, con Amping ya aresta mga alas 3:57 del Viernes tarde na Paseo de Arquiza, Barangay Mampang, en este ciudad.
Asegun con el policia, si Amping tiene pendiente orden de aresto por el crimen de probao matansa con P200,000 piansa ya dale el un corte local del Julio 4, 2023.
El policia ya habla, si Amping listao como el numero tres persona mas buscada na jurisdiccion del Zamboanga City Police Station 6.
Con Candido ya aresta el mga autoridad mga alas 6:49 del Viernes denoche na Sitio Anuling, Barangay Pamucutan, en este ciudad.
Asegun con el policia, si Candido tiene pendiente orden de aresto por el crimen de estatutorio abuso carnal sin recomendao piansa ya dale el un corte local del Febrero 15, 2024.
Asegun con el policia, si Candido listao como el numero 10 persona mas buscada na jurisdiccion del Zamboanga City Police Station 4. (B. Garcia, photo courtesy of Zamboanga City Police Office)