Ya tene significativo crucial discusion para mejora el cooperacion de entre-agencia para asegura sustenable paz y orden na Oeste Mindanao, asegun con el militar del Viernes.
Asegun con el 4th Civil Relations Group (4CRG), el significativo crucial discusion ya ocuri durante el visitada de Police Major General Bernard Banac, el comandante del Area Police Command-Western Mindanao (APC-WM), na quartel del Western Mindanao Command (Westmincom) del Jueves.
El visitada de Banca na quartel del Westmincom amo el primera vez desde’l tiempo ya asumi le como el nuevo comandante del APC-WM del Julio 2.
Asegun con el 4CRG, si Brigadier General Aldrin Annani, el diputado comandante del Westmincom para el operaciones de defensa externo, y Coronel Emmanuel Cabasan, el jefe del personal de mando unificado, ya extende una calurosa con Banac na Camp Navarro donde locao el quartel del Westmincom.
El 4CRG ya habla, el Westmincom ta continua mejora el relacion con otro agencies de seguridad como el na frontera na mantencion de paz na sur parte del Filipinas.
Mientras tanto, asegun con Tinienete General William Gonzales, el comandante del Westmincom, el fuerte asociacion del militar y policia ya resulta na mucho acomplicimiento na campaña contra terorismo, insureccion, desorden y proliferacion de armas sin licensia, y otros pa.
Ya dale aseguramiento si Gonzales cay el Westmincom hay continua mantene de ila buen relacion con el policia para el seguridad del mga vivientes. (B. Garcia)