El mga autoridad ya aresta con un anak de retirao general del policia y ya confisca P29.9 millones valor de droga ilegal na un operacion contra droga na ciudad de Zamboanga, asegun con el policia del Martes.
El mando regional del policia, ya identifica con el arestao suspechao como si Ashraf Kayzar Ikbala, 40 años el edad y residente del Aurora village, Barangay Tumaga, ciudad de Zamboanga.
Asegun con el policia, con Ikbala ya aresta na un operacion del compra busto mga alas 11:05 del Lunes aga na Sitio Palawan, Zone 2, Barangay Divisoria, ciudad de Zamboanga.
Asegun con el policia, ya confisca na posesion de Ikbala cuatro kilos y 400 gramos de suspechao shabu enpaquetao na 12 transparentes paquetes plastico con el valor de P29,920,000, un bolso bandolera, 999 pedaso de paltic P1,000 que ya usa como robar dinero y un real P1,000 markao dinero, y mga paquestes de plastico.
Asegun con el policia, con Ikbala ya detene na quartel del Zamboanga City Police Office en preparacion para el plantada del asunto contra conele por violacion del Ley Integral de Drogas Peligrosas de 2002.
Si Ikbaka es un anak de un retirao general del policia quien ya servi del 2010 como el Directorate for Human Resource and Doctrine Development del Philippine National Police.
El operacion de compra busto ya conduci el unido operativas del policia, Philippine Drug Enforcement Agency y Naval Intelligence and Security Group-Western Mindanao. (B. Garcia)