Si Vice Admiral Robert Patrimonio, el comandante del Mando de aplicacion de ley de seguridad maritima del Guardia Costera del Filipinas o PCG, ya ase visitada de cortesia con Major General Ignatius Patrimonio, el comandante del 11th Infantry Division y Joint Task Force Orion na Campo Teodulfo Bautista na Barangay Busbus, Jolo, Sulu.
Si General Patrimonio, hunto con mga oficiales y personjes del 11th Infantry Division, ya extende una calurosa bienvenida con Vice Admiral Patromonio durante el visitada del Miercoles del official de Guardia Costera de Filipinas na Sulu.
El visitada ya marka de una presentacion del tradicional cultura de Tausug, incluido el baile de Pangalay, seguido el un completo honor militar.
Durante el visitada, si Vice Admiral Patrimonio ya expresa si profundo apreciacion por el calurosa bienvenida que ya extende conele.
Mientras tanto, si Major General Patrimonio ya agradece con su hermano quien ya dale tiempo para visita le na Sulu
Si Vice Admiral Patrimonio, es un orgulloso miembro del Philippine Military Academy “Sambisig” Class de mil 1991 y hermano de Major General Patrimonio, continuar una carrera distinguida.
Antes su presente posicion, si Vice Admiral Patrimonio ya servi como el Deputy Commander del Mando del Servicio de Seguridad Maritima y como comandante del Mando de Proteccion del Medio Marino. (B. Garcia)