El Alcalde John Dalipe, quien ta encabesa con el City Peace and Order Council (CPOC), ya ordena el estricto implementacion del Ordinanza 499 que ta manda instola mga Closed Circuit Television (CCTV) cameras na mga establisimeintos de negocio na ciudad.
Si Dalipe ya dale el directiva despues que ya reporta y recomenda si Coronel Alexander Lorenzo, el Zamboanga City Police director, el necesidad instola CCTVs ng mga barangays donde predominante el crimen.
Asegun con Lorenzo, bien necesita tamen instola CCTV na mga establisimientos de negocio para el rapido intervicion del policia para asegura el seguridad y proteccion del publico.Â
Si Dalipe ta dirigi con Benjie Barredo, el jefe de licensias, que no ase de nuevo con el licensia del mga establisimiento de negocio que hinde ta compli con el Ordinanza 499.
Ya ordena tamen si Dalipe que no dale permiso o licensia con mga nuevo establisimiento de negocio si nohay instolao CCTVs.
Bajo na ordinanza, debe tiene un camera para na calle na en frente del establisimiento y debe tiene tamen camera na parada de vehiculo.
El multa para el incumplimiento del Ordinanza 499 ta inclui el hinde dalida de licensia de negocio y pago de P5,000. (B. Garcia, photo courtesy of City Hall PIO)