Nibisita sa opisina ni Mayor Pablo Yves L. Dumlao II ang mga personahe nan MCCS Business Process Outsourcing & Marketing Inc., aron personal na mapaabot ang katuyoan mahitungod na sa plano niini na pagtukod nan imprastraktura sa siyudad para sa ibutang na call center with leased line and reliable Internet Connection (IT Park).
Kaiban na dire an libreng call center training na may unom (6) hangtod sa dose (12) ka buyan na hands on management with MCCS, sanan intensibong training para na sa mga Team Leaders and Managers didto na sa Manila.
Tumong nan MCCS na mahatagan nan higayon na makasugod nan Career an mga katawhang Surigaonon na nangandoy na makasulod sa BPO Industry.
Isip usa ka dakung multinational na BPO company sa hotel industry, diin naglangkob ini sa tanan, gikan sa marketing sanan sales, ngadto na sa hotel management and development, tumong usab nan MCCS BPO & Marketing Inc. na mapalambo an lokal na turismo nan Surigao.
Sa pakig-alayon na sa City Tourism, an pagpangita nan mga lugar o resources nga posibleng mamahimong bag-ong atraksyon an isa usab sa tutokan nan MCCS nga ipaila didto na sa lokal ug internasyonal na turista. An pagpaila balik nan mga atraksyon, makatabang ini sa paghimo nan ideya nan bag-ong produkto, skills nan mga katawhang Surigaonon na gamiton isip driveforce sa turismo.
(Source: Surigao City PIO Facebook page)