Tiene mga 400 familiares, quien ya opta esta na casa maskin masivo el avenida del Julio 12, el ya recivi comida enpaquetao durante el operacion de alivio que ya encabesa el Alcalde John Dalipe del Sabado tarde na cubrido corte del escuela de elementaria del Tumaga, ciudad de Zamboanga.
El distribucion del cosas de alivo ya vene despues que el Oficina de Bienestar Social y Desarollo o CSWDO en colaboracion con el consejo de barangay del Tumaga ya conclui el conducida de evaluacion y perfilando.
Si Dalipe igualmente ya distribui cosas de alivio con mga familiares quien ya opta esta na casa cuando ya man avenida del Julio 12 na Barangay San Roque.
Si Dalipe ya asegura cay todo aquellos con quien ya tupa el avenida del Julio 12 que ya evacua o ya esta lang na casa hay dale el necesario ayuda.
Seis personas el ya muri y mas de 6,000 familiares compuesto de mas de 18,000 individual el ya desplaza na masivo avenida por causa del fuerte ulan del Julio 12.
El fuerte ulan que ya causa del habagat ya inunda total de 32 barangays. (B. Garcia)