Alas otso medya de tarde del ayer petsa nueve, un concierne persona el ya llama na ZCPS9 para reporta con un accidente vehicular que ya occuri na Barangay de Ayala.
Base na report, invuelto na aksidente el un motorsiklo que ta dwenya si Freddie Rodriquez, sesenta’y tres años de edad kasaw, residente de Zone 3 barangay Tulungatung y un Isuzu Reefer Van que ta dwenya si Jonamer Ariston veinte tres años el edad, sultero y residente de Barangay Talisayan.
Asegun na investigacion que ya conduci el mencionao estasyon, equal el dos vehiculo ta viaja para na opposite direcion cuando ya man bangga el skyerda porsyon del motor na adelantera parte del Isuzu Van que ya causa con el motor para perde el de este control.
Ya sustene cuantos irida el tsuper del motor na diperentes parte del desu cuerpo y derepente ya lleva core na Zamboanga City Medical Center por el curada medikal.
Todo’l dos vehiculo invuelto na aksidente ta esta ya awra bajo na custodia del ZCPS9 por el propyo desposisyon. (April Boy Regino)