Total de 180 residentes el ya beneficia na un dia libre mision medico y dental ya inicia el 97th Infantry Battalion (IB) na provincia del Zamboanga del Norte, asegun con el 97IB del Viernes.
Asegun con el 97IB, el mission medico y dental ya conduci del Martes na Sitio Mati, Barangay Titik, Sindangan, Zamboanga del Norte.
El mision ya inclui libre consultacion medico, examinacion dental, arankada diente, y distribucion de mga medicina.
Ya dale tamen paquetes de comida, y mga chinelas con mga residentes que ya dona el Kiwanis Club del Zamboanga del Norte.
Asegun con el 97IB, el objeto del mision medico y dental amo para extende libre y de calidad tratamiento medico con mga pobre familias de lejanos lugar.
Puera con el 97IB, con el conducida del mision medico y dental pa participa tamen mga soldao del 102nd Infantry Brigade y 1st Infantry Division.
El mga residentes del Sitio Mati, Barangay Titik, Sindangan, ya expresa de ila sincero gratitud con el militar por el libre servicio medico y dental ya extende na de ila comunidad. (B. Garcia, photo courtesy of 97IB)