Siete antes mga rebelde New People’s Army (NPA) el ya recivi de ila beneficio desde con el “Zamboanga del Sur Provincial Task Force to End Local Communist Armed Conflict (PTF-ELCAC)” bajo el “Enhanced Comprehensive Local Integration Program (E-CLIP)”.
El siete antes mga rebelde NPA con quien ahora ta llama “Friends Rescued (FR)”, ya recivi de ila beneficio durante el segundo tre-mestre junta del PTF-ELCAC na ciudad de Pagadian, Zamboanga del Sur del Huwebes.
Bajo el E-CLIP, cada uno del siete FR ya recivi P65,000 compuesto de P50,000 ayuda de lavida y P15,000 imidietamente ayuda financial.
El mga FRs ya rindi de ila gratitud con el govierno, particularmente con el supporta del Zamboanga del Sur PTF-ELCAC.
Si Tiniente Coronel Terence Ylanan, el comandante del 53rd Infantry Battalion, ya expresa tamen su gratitud con el comitiba del E-CLIP por el de ila suporta na lavida del mga FRs. (B. Garcia)