31.8 C
Manila
Friday, April 12, 2024

Zamboanga: 7 chufer positivo ta usa droga ilega

- Advertisement -

Siete chufer el ya descubri positivo ta usa droga ilegal durante el conducida del simultaneo examinada de droga na tres terminal de bus aqui na Zamboanga Peninsula, asegun con el Philippine Drug Enforcement Agency (PDEA) del Miercoles.

Asegun con el Director Regional del PDEA Maharani Gadaoni-Tosoc, el siete es parte del total de 319 chufer con quien ya pone bajo el examinada de droga nombrao como el “Oplan Harabas: Drug Test Muna Bago Pasada”, na inetegrado terminal de bus na Dipolog, Zamboanga del Norte; Pagadian City, Zamboanga del Sur; y, na ciudad del Zamboanga.

Asegun con Gadaoni-Tosoc, na siete chufer positivo ta usa droga ilegal, seis de ila mga de ciudad de Zamboanga y el restante uno de ciudad de Pagadian, Zamboanga del Sur.

El “Land Transportation Office (LTO)” temporariamente ya confisca de ila mga licensia y el Oficina Regional del PDEA ya referi canila na Oficina de Salud del Ciudad o na de ila oficiales el barrio para el corespondiente intervencion adecuao na de ila necesidades.

El Oficina Regional del PDEA ya conduci con el Oplan Harabas en coordinacion con el LTO, Land Transportation, Franchising and Regulatory Board, Policia, City Anti-drug Abuse Councils, Administracion del Integrado Terminal de Bus, y Compania del Rural Transit Mindanao, Incorporated.

Si Gadaoni-Tosoc ya habla, el Oplan Harabas es parte del programa del PDEA para solve con el problema de droga na pais. (B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -