El 6th Infantry Division (6ID), por medio del 6th Civil-Military Operations Battalion, ya man hunto na elaboracion y lanzamiento del plano del Bangsamoro Disaster Risk Reduction and Management (BDRRM), asegun con el militar del Domingo.
Asegun con el 4th Civil Relations Group (4CRG), el elaboracion y lanzamiento del plano del BDRRM ya marka un significante adelantamiento na fortalecimiento de resiliencia de ante desastres na Bangsamoro Autonomous Region in Muslim Mindanao (BARMM).
El lanzamiento ya conduci del Viernes na Shariff Kabunsuan Cultural Complex del centro de gobierno del BARMM na ciudad de Cotabato.
Asegun con el 4CRG, el participacion del 6ID ya demostra el crucial papel del militar para suporta na esfuerzos de reduccion del riesgo de desastres y asegura el resiliencia y preparacion del comunidades.
El 6ID ya promete dale todo’l suporta na implementacion del plano de BDRRM y mantene firme na de ila deber para servi y proteje con el BARMM, asegun con el 4CRG.
El 4CRG ya habla, el plano de BDRRM es un componente fundamental de estrategia del gobierno del BARMM para mejora el resiliencia del comunidad contra desastres naturales y hecho de gente.
El objetivo del plano amo para equipa con todo’l consejo del DRRM y oficina con esenciales herramienta y marca de referencia para colabora con mga partes interesadas y para guarda vidas y busca lavida, descatando el significancia del ambos local y internacional cooperacion na protejida del comunidades na BARMM. (B. Garcia)