El 6th Infantry Division (6ID) exitosamente ya colecta 910 bolsa de sangre equivalente de 409,500 cubico centimetros durante el simultaneo campaña de donacion de sangre del Philippine Army, asegun con el 6ID del Lunes.
El actividad ya hace del Domingo na gimnasio na Campo Siongco, Awang, Datu Odin Sinsuat, Maguindanao del Norte.
El campaña del simultaneo de donacion de sangre nombrao como el “Dugo Ko, Dugo Namin, Alay ng Hukbong Katihan sa Sambayangang Pilipino”.
Asegun con el 6ID, el iniciativa ya conduci na diferentes campo del Army na entero pais con el objetivo para reforza con el reserva de sangre en celebracion con el dia de heroe nacional.
Asegun con el 6ID, el esfuerzo colectiva amo para asegura cay tiene preparao y bastante sangre durante el tiempo de emergencia y para el necesidad del pacientes. (B. Garcia)