Seis rubao motorsiclo ya recubri maga otoridad del pasao dia na Barangay Langil, Hadji Mohammad Ajul, Basilan.
Asegun con Capitan Arson Aripin, el hefe del pulisiya na municipio del Hadji Mohammad Ajul cay el maga rubao motor que ya recubri sila ta incluwi dos Honda XRM 125, un Honda CLICK 125, y tres Suzuki Raiders.
Asegun con Aripin con el maga motor temporaryamente ya pone bajo na custodiya del pulisiya na Hadji Mohammad Ajul.
Si Aripin ya habla cay ay entrega sila con el maga motor na Highway Patrol Group na ciudad de Lamitan para el verificacion and determinacion del maga orihinal dueño del maga motorsiclo.
El pulisiya del Hadji Mohammad Ajul ta conduci investigation para determina si kien el maga echor na robo del maga motorsiclo.
Con el maga motor ya recubri el combinao fuersa del pulisiya, highway patrol, y personajes del 19th Special Forces Company del Army. (B. Garcia, photo courtesy of Ronda del Basilan)