Tiene 229 caserias el ya man uput na incendio o quema que ya ocuri na Barangay Camino Nuevo, ciudad de Zamboanga, asegun con el Zamboanga City Fire District (ZCFD) del Sabado.
Asegun con el ZCFD, el fuego ya principia na uno del mga casa mga alas 4:40 del Viernes tarde na Calle Punta, Barangay Camino Nuevo y enseguidas ya man calayat para na mga otro caserias.
Asegun con el ZCFD, el incendio que ya alcansa na terser alarma, ya puede controla mga alas 5:24 del tarde y completamente ya apaga mga alas 9:25 del denoche.
EL ZCFD ya habla, ta investiga pa sila si cosa el causa del incendio que ya causa destroso na mas or menos P1 millon valor de propiedad.
Asegun con Socorro Rojas, el jefe del Oficina del Bien Estar y Desarollo Social del Ciudad, el incendio ya desplaza 229 familiares con 736 individuals.
Asegun con Rojas, siete personas el ya sustene irida na cuerpo durante el incendio.
Asegun con Rojas, ya lebanta sila un cocina comunitaria para servi con el mga victima de incendio. (B. Garcia)