El 53rd Infantry Battalion (63IB), en colaboracion con el Philippine Coast Guard (PCG), y miembros del Bantay Dagat del un barangay na provincia del Zamboanga del Sur ta conduci un entrenamiento conjunto de operacion maritimas, asegun con el militar del Martes.
Asegun con el 53IB, el entrenamiento ta conduci na Barangay Baganian, Tabina, Zamboanga del Sur.
Si Teniente Coronel Rolando Vargas Jr., el comandante del 53IB, ya enfatiza el importancia del defensa costera para el seguridad teritorial.
Si Vargas habla, el entrenamiento tiene el objetivo mejora el capabilidades del mga participantes na vigilancia, operaciones de buscada y rescate, y protocolos de repuesta na potencial amenaso de seguridad na mga lugar costeras.
El entreno ta inclui ejercicios practical sobre maniobras de embarcaciones, tecnicas de rescate, y procedimiento de comunicacion para mejora el coordinacion entre el fuerza militar, PCG, y voluntario maritima local.
βEste conjunto entreno es esencial para el fortalecimiento del de aton capabilidades de defensa costera,β si Vargas ya habla.
βColaborando con el de aton socios locales como el PCG y Bantay Dagat, puede quita mas mejor guardia con el de aton aguas teritoriales y garantiza el seguridad del de aton comunidades costero. El de aton esfuerzos colectivo de mejorar seguridad de maritima es vitales para preserva paz y estabilidad na provincia,β si Vargas ya omenta. (B. Garcia)