Sincuenta’y uno personajes del policia el ta esta ahora bajo na 15-dia cusro de manejoa na Campo Abendan na Barangay Mercedes, ciudad de Zamboanga.
Asegun con el mando regional del policia o Police Regional Office-9 (PRO-9), el entreno ya comensa del Lunes y ta participa mga escujido personajes bajo mando del PRO-9.
Asegun con el PRO-9, el objetivo del curso de manejada amo para enseña con el mga participantes el esencial sabidurias, capacidades, y actual experiencia necesita para el segurao y proficiente operacion de vehiculos.
El curso tiene tamen el objetivo apodera con el mga participantes con garantia y competencia para maneja efectivamente na diferentes situacion, reduce peligro potencial, y en general mejora el segurao carreteras.
El 15-curso de manejada es un colaborativo programa del PRO-9 y Technical Education and Skills Development Authority (TESDA).
Si Sheva Fuentavilla, el segundo especialista del oficina regional del TESDA, ya expresa su agradecimiento por el colaboracion con el PRO-9 na programa na su mensaje durante el ceremonia de apertura.
Ya relata si Fuentevilla el rigoroso proceso na acquerida del segundo certifico nacional para de manejada y el nivel del competencia que necesita para gradua na mencionao curso. (B. Garcia)