El 4th Mechanized Infantry Battalion (4MIB) ya conduci actividad de siembrada de palo na provincia del Lanao del Norte, asegun con el militar del Jueves.
Asegun con el 4th Civil Relations Group (4CRG), el siembrada de pono’y palo ya conduci del otro semana na Matampay Primary School na municipio de Balo-i, Lanao del Norte.
Asegun con el 4CRG, total de 100 semilia de Narra, y diferentes clase de palo que ta fruta el ya siembra el mga soldao hunto con mga representantes de otro sectores.
El mga maestro y maestra, estudiantes y mayores del mga estudiantes del Matampay Primary School ya participa tamen na evento, significando el de ila dedicacion para cuida con el mga pono’y palo ya siembra areredor del escuela.
Este iniciativa hinde lang ta demostra el dedicacon del 4MIB y organizaciones para el proteccion del medio ambiente, sino ta descata tamen el importancia del entre-agencia cooperacion y participacion del comunidad na esfuerzos de conservacion. (B. Garcia) (Photo Courtesy of 4CRG)