El 45th Infantry Battalion (45IB) ya inicia cambio na liderato del Bravo Company del mencionao batallon base na municipio del Tipo-Tipo, provincia del Basilan, asegun con el militar del Domingo.
Asegun con el 4th Civil Relations Group (4CRG), ya instola con 1st Lieutenant Romel Aglibot como el nuevo comandante del Bravo Company y ya releva le con Capitan Vinjoe Coña.
Asegun con el 4CRG, el ceremonia del cambio del mando ya conduci del Miercoles na quartel del Bravo Company na Barangay Tipo-Tipo proper, Tipo-Tipo, Basilan y ya encabesa si Tiniente Coronel Michael Colanta, el comandante del 45IB.
Durante el ceremonia, si Colanta ya comenda con Coña por su dedicacion y buen trabajo durante to termino como el comandante del Bravo Company.
Si Colanta ya anima con Aglbot para abraza con igual espiritu de excelencia na su nuevo trabajo.
Asegun con el 4CRG, con el ceremonia de cambio del mando ya atende mga otro mga oficiales del militar, y Alcalde Arcam Istarul del municipio de Tipo-Tipo. (B. Garcia)