El 45th Infantry Battalion (45IB) ya conduci campaña de informacion de “Preventing and Countering Violent Extremism (PCVE) y aserca el proceso de alistada del Philippine Army, asegun con el militar del Lunes.
Asegun con el 4th Civil Relations Group (4CRG) el campaña de informacion ya conduci del otro semana na Jacinto Cuevas National High School, na Barangay Bohe Lebbong, Tipo-Tipo, Basilan.
El 4CRG ya habla, el objetivo del actividad amo para educa y activamente engrana con mga estudiantes y mejora el sabidoria del comunidad sobre el PCVE.
Asegun con el 4CRG, uno del mga soldao de 45IB ya discuti mga topicos crucial de PCVE y proceso de alistada proporcionando con el mga estudiantes con valuable perspectivas y fomentado un atracada proactivo sobre el mga importante asuntos.
El campaña de informacion ya conduci en colaboracion con el policia del municipio de Tipo-Tipo, de quien personajes ya presenta un discussion profundidad na campaña contra droga ilegal.
El policia de Tipo-Tipo ya enfatiza tamen el critical papel de participacion comunitaria y conciencia.
Asegun con el 4CRG, el objetivo del sesion amo para equipa con mga estudiantes con el sabidoria y herramienta para reconoce y resisti con el influencia de droga iegal.
“Educando con el mga jovenes aserca el radicalizacion y alistada es supremo na construida de un resiliente y informao comunidad,” el 4CRG ya habla. (B. Garcia)