Treinta’y siete casa el ya man uput mientras sinco otros el parcialmente ya quema na un incidente de incendio na costa oeste del ciudad.
Asegun con el bombero, el incendio ya ocuri Domingo denoche na Purok 4, Barangay Labuan, 36 kilometros oeste del ciudad.
Asegun con el bombero, el quema ya principia na uno del mga casa mga alas 8:21 del noche y ya man calayat para ng mga sercanos caserias que mayorparte hacido de palo.
Asegun con el bombero, con el incendio, que ya alcansa na terser alarma, ya puede controla mga alas 9:48 del noche y completamente ya puede apaga mga alas 11”03 del mismo noche.
Asegun con el Oficina de Bienestar y Desarollo Social de la Ciudad, el incendio ya desplaza 42 familiares.
Na total de desplazao familiares, 37 el mga dueño de casa y sinco el mga inquilino. (B. Garcia)