Total de 32 “rice retailers” na provincia del Zamboanga quien afectao na controlada del presyo de aros na entero pais el ya recivi ayuda financial desde’l govierno nacional.
Asegun con el oficina rehyonal del Department of Social Welfare and Development (DSWD), con el ayuda financial ya distribuji con mga beneficiaryo del Lunes na ciudad de Pagadian, el capital del provincia del Zamboanga del Sur.
Asegun con el DSWD-9 cay cada uno del 32 dueño del tienda ta vende aros ya recivi P15,000 ayuda financial desde’l govierno nacional por medio del DSWD.
Del Septiembre 5, ya dale un orden ejecutivo si Presidente Ferndinand Marcos, Jr. que ta controla con el presyo del hinde bien molido aros na P41 cada kilo y P45 el kilo del bien molido.
El Presidente ya dale el orden ejecutivo despues que derefente lang ya subi el presyo del cada kilo y depende na clase del aros.
El mga consumidor publico ta reclama ya gayot por causa bien caro ya el kilo del aros. (B. Garcia, photo courtesy of DSWD-9)