El tres restante armao miembros del celula regional del grupo terorista comunista ya hace un significante movimiento de paz y reconciliacion por del rendi’r voluntariamente na mga autoridad, asegun con el militar del Sabado.
Asegun con el 1st Infantry Divisiin (ID), el tres miembros del grupo terorista comunista ya rendi del Viernes na Purok 2, Barangay Saad, Dumingag, Zamboanga del Sur.
El 1ID ya identifica lang con tres rendidores como canda alias Jundy, un antes lider de escuadron, alias Jack, un antes official del mando, y si alias Crismae, un antes miembro del desmantelao frente guerillero de BBC.
Asegun con el 1ID, el tres rendidores ya entrega dos rifles M-16 y un calibre .45 pistola con mga bala y mochila o backpack.
Asegun con Major General Gabriel Viray, III, el comandante del 1ID, el rendida de tres hay resulta na evental desmatelada del grupo terorista comunista del Western Mindanao Regional Party Committee (WMRPC) y hay signifca el completamente percidion del mencionao grupo na Zamboanga Peninsula.
Asegun con Viray, hay asegura sila el seguridad del tres rendidores durante el proceso de reintegracion y suporta el birada de ila na sociedad. (B. Garcia)