Tres miembros del “Dawlah Islamiya-Hassan Group” el ya rendi na mga autoridad na provincia del Norte Cotabato, asegun con el militar del Domingo.
Asegun con Tiniente General William Gonzales, el comandante del Western Mindanao Command (Westmincom), el tres miembros del DI-HG ya rendi con el combinao elementos del 90th Infantry Battalion, policia y operativas de inteligencia na municipio del Carmen, Norte Cotabato del Viernes.
Si Gonzales ya atribui con el exitoso rendida del tres miembros del DI-HG na esfuerzo colaborativo del militar y policia na Central Mindanao y con el enquebrantable suporta del gobierno local y comunidad.
El tres DI-HG rendidores ya entrega tres rifle Garang con mga bala.
Asegun con Gonzales, el tres rendores ta esta bajo del interogacion na quartel del 602nd Infantry Brigade.
Cada uno de ila ya recivi un saco de arroz que ya dale el gobierno municipal del Carmen. (B. Garcia)