Tres personas el ya aresta myentras P103,700 cantidad de droga ilegal el ya confisca mga otoridad na Jolo, Sulu.
El Sulu Police Provincial Office (SPPO) ya nombra con el mga arestao suspechao como el siguientes: Abser Khan Kipli, 27 años; Delfin Juljani, 39; y si Rajib Hashim, 30 años el edad.
Asegun con el pulis con el tres suspechao ya aresta na un campanya contra droga ilegal mga alas 8 del Lunes denoche na Barangay Bus-Bus, Jolo, Sulu.
El mga operativas del pulisiya ya puede confisca na posesion del mga suspechao 15.25 gramos de suspechao shabu que tiene el valor de P103,700, sinco bala del .9-mm pistola, markao P500, y otro pa mga evidencia.
El mga arestao suspechao y el mga evidencia ya pone bajo na custodiya na quartel del pulisiya na municipio del Jolo para el propio disposicion.
Myentrastano, si Police Brigadier General Allan Nobleza, el director rehyonal del pulisiya na rehyon otonomo, ya comenda con el esfuerso del mga operativas que ya resulta na aresto del tres suspechao.
Si Nobleza ya apela con el publico para continua suporta con el esfuerso del govierno, especialmente na campnya contra drogo ilegal y criminalidad.
Ya pidi tamen si Nobleza con el publico para reporta na sercanos quartel del pulisiya mga ilegal actividades que ta existi na de ila comunidad. (B. Garcia, photo courtesy of PRO- BAR)