El 21st Infantry Battalion (21IB) del Philippine Army ya dona mga libro na Sulu State College-Panamao Extension Unit, asegun con el militar del Domingo.
Asegun con el 4th Civil Relations Group (4CRG), con el mga libro ya entrega el mga oficiales y soldao del 21IB que ta encabesa si Tiniente Coronel Homer Estolas con mga oficiales del escuela del Sabado.
Asegun con el 4CRG, el iniciativo tiene el objeto para proporciona materiales de educacion esencial y otro recursos de aprendiendo y reconociendo el significancia del educacion na organizacion del futuro del mga jovenes.
El colaboracion ta demostra el compromiso del Philippine Army para contribui con el desarollo holistico para el buen futuro del mga estudiantes.
El donacion del mga libro ya recivi si Hadji Ben Majan, el coordinador, y mga prsonajes del Sulu State College-Panamao Extension Unit.
Asegun con el 4CRG, con el mga donao libro ya entrega canda First Lieutenant Randy Carido, el comandante del Charlier Company y si Second Lieutenant Irish Antionette Borromeo, el official del Civil-Military Operations del 21IB. (B. Garcia)