Dos personas el ya aresta y valor de P2.3 millones contrabando el ya confisca na operacion de conducido inteligencia na ciudad de Zamboanga, asegun con el policia del Jueves.
El mando regional del policia o Police Regional Office-9 (PRO-9) nohay nombra con el mga arestao dos personas puera lang de habla’r el uno de ila es un 40 años el edad y el otro, 52 años.
Asegun con el policia, con el dos ya aresta el mga personajes del Regional Special Operations Unit-9 (SOU-9) mga alas 5:56 del Miercoles aga na aguas del Barangay Rio Hondo, ciudad de Zamboanga.
Asegun con el policia, el mga personajes del RSOU-9 ya conduci el operacion contra smuggling despues que ya recivi sila un report de inteligencia cay tiene mga smuggled cigarillo el esperansao llega na Barangay Rio Hondo.
El mga operativas del RSOU-9 ya intercepta un banca de motor con dos tripulantes y ta carga 41 cajon de smuggled cigarillo que tiene el valor de P2,365.344.
El mga arestao tripulantes and recubrido smuggled cigarillo ya pone bajo’l custodia del Zamboanga City Police Station 11 para el propio disposicion. (B. Garcia)