El mga autoridad ya aresta dos personas y ya confisca un barco de pesca ilegalmente ta opera na provincia del Zamboanga del Sur, asegun con el policia del Sabado.
El Zamboanga del Sur Maritime Police Station (ZDS MARPSTA) ya habla, con el dos personas ya aresta y con el barco de pesca ya confisca del Martes na mar del municipio de San Pablo, del mencionao provincia.
El personajes del ZDS MARPSTA ta conduci patrulla maritima cuando ya columbra sila con el barco de pesca con dos tripulantes envuelto na violaciones del ley de pesca comercial.
Asegun con el ZDS MARPSTA, el dos tripulantes ya viola con el Seccion 113 del Ley de Republica Numero 10654, que ta prohibi el empleo de gente de pescadores, trabajadores pesqueros, o tripulantes na barco de pesca comercial.
El ZDS MARPSTA nohay mas nombra con el dos arestao tripulantes del confiscao barco de pesca.
El confiscao barco de pesca comercial, y el dos tripulantes, ya lleva na cuartel del ZDS MARPSTA para el propio disposicion. (B. Garcia)