Dos soldao, incluido un oficial, el ya muri mientras 21 otros el ya iri na un accidente vehicular que ya causa el un avalance in provincial del Sultan Kudarat, asegun con el militar del Domingo.
Asegun con el 6th Division (6ID), el accidente vehicular ya ocuri del Jueves madrogada na Barangay Malisbong, Palimbang, Sultan Kudarat.
El 6ID ya identifica con el fatalidad como si First Lieutenant Rolfe Rodney Lebrilla del 1st Scout Ranger Battalion y si Corporal Hony Jay Bentual del 37th Infantry Battalion.
Asegun con el 6ID, 19 del 21 irido soldao el presentamente ta recupera desde’l de ila mga irida que ya sustene durante el accidente na hospital del Camp Siongco.
Asegun con el 6ID, el mga soldao muntao na un vehiculo que ya cay na pampang por causa de un avalance na Barangay Malisbong municipio de Palimbang.
Si Major General Antonio Nafarrete, el comandante del 6ID, hunto con Brigadier General Isagani Criste, el comandante del First Scout Ranger Regiment, ya visita con el mga irido soldao na hospital del Viernes.
El dos oficiales del militar ya extende ayuda financial con el mga soldao ta recupera na hospital. (B. Garcia)