Tres personas el ya iri na un accidente vehicular envuelto dos motorciclo na costa oeste del ciudad, asegun con el policia local del Lunes.
El policia local ya nombra con el mga victima como canda Abdurahman Omar, el chufer de uno del dos motorciclo; John Paul Ignacio, el chufer del otro motorciclo; y si Mariel Saavedra, el ancas de Ignacio.
Asegun con el policia, el accidente vehicular ya ocuri mga alas 6:55 del Domingo denoche na camino general na Barangay Sinunuc, 9.4 kilometros del ciudad.
Base na investigacion, ya man bangga si Omar na atras del motor que ta menaja si Ignacio mientras igual sila ta corre para na pueblo desde costa oeste.
Ambos motorciclo ya man baliscat y todo sila ya iri pero nohay mas conforma si Omar lleva conele na hospital siendo hinde grabe su irida.
Con Ignacio y su ancas, si Saavedra ya lleba na hospital para el curada medical. (B. Garcia)